الاسعافات الاولية و أهميتها للتورليدر و التورجايد

 

 الاسعافات الاولية  و أهميتها للتورليدر و التورجايد 

الموضوع دا من أهم المواضيع اللى ممكن تقابل مرافقى المجموعات السياحية (التورليدر) او المرشديين السياحيين (التور جايد )  علشان بكل بساطة احنا بنقدم خدمة للسايح ( الزبون )فى مصر و من المفترض ان الخدمة تكون بروفيشنال.

فى حالات كتير جدا بتقابلنا فى الشغل بالذات لما تكون فى رحلة سفارى مثلا او رحلة بحر او حتى فى اسوان او الاقصر  و بسبب الشمس و الحر الشديد اللى ممكن يسبب ضربة شمس للزبون لانة مش متعود على دراجات الحرارة الشديدة

فى المقال هنستعرض افضل مكان تقدر تاخد فية دورة الاسعفات الاولية و اشهر الاصابات اللى ممكن تتعامل معاها فى الشغل 

:اولا : افضل  مكان معتمد و قوى جدا فى  التدريب على الاسعافات الاولية 

 الحقيقة انا هنتكلم عن تجربتى فى دورة الاسعافات الاولية الخاصة بالهلال الاحمر المصرى فى مدينة نصر ( اول مكرم )

مدة الدورة  3 ايام ورا بعض  من الساعة التاسعة و نصف صباحا حتى الساعة 3 و النصف بعد الظهر 

اهميتها الدورة انها  دورة عملية و نظرية _ من الاخر الى هيتقال هتنفذة عملى مع زمايلك فى الدورة و من اهمية الدورة فى مصانع كتيير جدا فى مصر بتبعت موظفينها للدورة دى وكمان انا اتعرفت على زمايل فى المجال السياحى و كانو مرشديين فى اسوان و الاقصر 

تكلفة الدورة : التكلفة الكلية 600 جنية مصرى فقط لا غير  مع اصدار الشهادة باللغة العربية +50جنية اضافية لو كنت    

 حابب تعمل شهادة باللغة الانجليزية

شهادة الاسعافات الاولية باللغة العربية

                                                                                           

شهادة الاسعافات الاولية باللغة الانجليزية -  شهادة الاكسترا ب 50 جنية اضافية

فترة الدورة بتكون كل شهر على الاقل بيفتحو التسجيل ممكن تتصل على تليفون الهلال الاحمرعلشان تعرف المواعيد و اخر معاد للتسجيل و دفعالرسوم امتى ؟ 

تليفون الهلال الاحمر :  0225985563

العنوان :تنزل مكرم عبيد و تتمشى شوية هتلاقى موقف فى ميكروباصات لاخر الشارع قول للسواق عاوز انزل عند الهلال الاحمر - هتنزل عند الوبرى تتمشى دقيقة هتلاقى الهلال الاحمر علطول -- و ممكن اساسا تتمشى من مكرم عبيد لغاية جوا  مش بعيدة حوالى 10 دقايق مشى  

و دا المكان على خرايط جوجل

 

اية اللى بيحصل فى ال 3 ايام بتوع الدورة  

  :اول يوم 

برنامج اليوم الاول 

التدريب على استخدام جهاز الصدمات الكهربائية للقلب
AED

بداية الدورة الساعة 9:30 صباحا - خلى بالك ملتزمين جدا فى مواعيدهم - من الافضل تكون هناك قبل ميعادك بربع ساعة و بتكون فى الدور التالت -  بيكون اكتر من مجموعة فى نفس الوقت - و انت فى الكافتيريا اسال مكان الدورة بتاعتك فين بالظبط و بتسال بالاسم و بتعرف دامكان السيشن و بيون فى اربع دكاترة _ متخصصين وفى تدريب على الاسعافات الاولية - و بداية الدورة بتكون تعريف كل شخص بنفسة و لية جاى يقدم على الدورة و المواقف اللى حصلت معاة قبل كدا و اتصرف ازاى و دا صح او غلط ؟

و بيتوزع عليك اول يوم ملف جميل جدا فية كل حاجة عن الدورة و هنعمل  اية خلال ال 3 ايام تفصيليا  و كمان البريك وقت اد اية و امتى و العملى و النظرى و فية كمان كتاب جمل جدا جدا لكل الدورة و كراسة من الهلال الاحمر و استمارتين لتقييم الدورة اخر يوم 

ملف كامل عند بداية الدورة و الكتاب 

 

بالنسبالى كتورلدر (مرافق مجموعات سياحية ) الدورة مهمة جدا علشان موضوع الاصابات الخاصة بالسفارى او خلال رحلة البحر او حتى بسبب الحر الشديد بالنسبة للسايح و بانسبة لزمايلى اللى كانت فى الدورة موجودين بسبب الاصابات الخاصة بالمصانع و المكن و اصابات الخاصة بالقطع او حتى الزجاج و ما الى اخرة

فى اول يوم بتاخد ورقة  فيها امتحان بسيط جدا بيقيس مدى معرفتك بالاسعافات الاولية و عبارة عن اختيارات من متعدد و كمان بيحكى موقف و بيسالك لو كنت فى الموقف دا ممكن تسعف ازاى المصاب ؟ - الامتحان دا اسمة امتحان قبلى - مش بيتحسب فى الامتحان - و لكن هتحس بالفرق فى اخر يوم فى الدورة لما تتمتحن الامتحان البعدى و تلاقر الفرق كبيير بالنسبالك

كدا احنا عندنا امتحانين  )- امتحان قبلى و امتحان بعدى - فى امتحان تانى عملى

و بيكون فى ورقة بتكتب فيها اسمك اللى انت عاوز الشهادة تطلع بية و كمان لو عاوز شهادة باللغة الانجليزية بتطلب شهادة اكسترا  بتكتب اسمك بالحروف اللى انت عاوزها علشان تطلع بية بالظبط و التكلفة شهادة الاكسترا 50 جنية   

بعد كدا هتلاقى دكتور بيشرح عن الدورة و اهميتها و خلال ال 3 ايام هتتعلم اية و اول يوم خلى بالك كلو او اغلبة عملى مع   بعض - يعنى الافضل تكون لابس تيشريت و كوتش -  او ملابس للحركة - يعنى من الافضل بلاش بدلة و 

فى بريك بيكون للغدا و بيدى لكل واحد كارت زى دا كدا بتاخد بية عدد 2  سندويتش ببلاش من الكافتيريا  - كل يوم فى البريك بيديلك الكارات دا و تستلم السندويتش - حاجة ليطيفة جدا الصراحة - و بالنسبة للمشروبات انت بتدفع تمنها لو حابب الشاى ب  5 جنية و القهوة ب7جنية

كارت الكافتيريا

 

.

خلو بالكو فى امتحان بجد و لازم تحضر ال 3 ايام و دا لمصلحتك جدا لان الدورة مفيدة على المستوى الشخصى قبل المهنى . 

اليوم التانى بيكوت اغلبة شوية نظرى 

برنامج اليوم الثانى 

 و كان العملى ازاى تقدر تربط دماغك او دماغ او راس  المصاب بالطريقة الصحيحة 

ربط الراس بالطريقة الصحيحة للمصاب 

اليوم التالت

برنامج اليوم الثالث

 

بيكون عملى شوية و فى الاخر الامتحان البعدة عبارة عن 25 سؤال  اختيار من متعدد و امتحان عملى - بالنسبة 

للعملى بيقسمو المجموعة حوالى 4 افراد هيمثلو انهم مصابين و انت هتدخل القاعة و يشوفو هتتصرف ازاى ؟ واحد كان صباع ايدة اتقطع و التانى مثلا مصاب فى ايدة و التالت نايم على الارض و مش فاقد للوعى اوفاقد للوعى و يشوفو هتتصرف ازاى ؟

و التدريب على عمل الجبيرة و معرفة انواعها كمان 

التدريب على عمل الجبيرة بالطريقة الصحيحة 

 

 

 

الخلاصة: 

- دورة الاسعافات الاولية من الدورات الهامة جدا فى حياة اى بنى ادم على المستوى الشخصى - هتتعلم عملى ازاى تعمل جبيرة و امتى تتصل بالاسعاف فى حالات التسمم و تتصرف ازاى او فى حالات الاختناق  بسبب الاكل و ازاى تمسك المصاب -و كمان تتصرف ازاى مع الطفل او الرضيع فى حالات انسداد مجرى اهوا بسبب الاكل و لو انت لوحدك هتعمل اية و لو فى حد فاقد للوعى  وازاى تتاكد انة بيتنفس و فى نبض كل الحاجات دى عملى و نظرى و مفية جدا  و لو فى حالة تسمم تتصرف ازاى و تتصل بمين ؟

و كمان بالنسبة للحروق و درجاتها و تتصرف ازاى لو فى حادثة فى الشارع و توجة الناس تتصل بالاسعاف و تقول اية للاسعاف و تفهمة ميقفلش غير لما الاسعاف اللى تقفل المكالمة و تاخد رقم الطلب بتاعك لانة بيطلبو منك يعرفو كام واحد مصاب و الحالة اية و كمان المكان بالظبط و بيديلك رقم كدا دا بتاع الطلب ؟علشان لو اتاخرو مثلا تقدر تتصل تانى و تتابع بسرعة 

و الله العظبم انا اساسا مكنتش اعرف رقم الاسعاف كام  هههههههههههه  و لازم تسجل رقم مركز السموم

 شهادة الدورة بتكون لمددة سنتين - بعد السنتين لازم تجددها تانى و دا على فكرة علشان تنشط المعلومات و تمارسها تانى ودى مهمة جدا 

انت كمسعف اولى مش مطلوب منك تعالج المصاب لانك مش دكتور - انت مطلوب منك تقدم الاسعاف الصح الاولى لغاية اما تيجى الاسعاف زى مثلا لو فى الم فى العمود الفقرى  بسبب حادثة متمسكش المصاب و تحركة لانك بتضر اكتر ما بتنفع و طبها موضوع  تحط البن على اصابة علشان تكتم الدم و دا غلط _ المهم هتتعلم ازاى تسعف صح 

الكتاب 

صورة غلاف كتاب الاسعافات الاولية من الهلال الاحمر