منهج الاياتا - ما لا تعرفة عن التاشيرات - حالتين عملى - الحلقة الاولى - Foundation in Travel and Tourism

منهج الاياتا - ما لا تعرفة عن التاشيرات - حالتين عملى -  الحلقة الاولى 

منهج الاياتا - ما لا تعرفة عن التاشيرات - حالتين عملى -  الحلقة الاولى 

موضوع التاشيرات من المواضيع المهمة جدا لاى حد شغال فى السياحة سواء كان فى الاوبريشن او موظف مختص فى اصدار التاشيرات وفى عدد من  النقاط الهامة بجد اللى ممكن ننسى نبلغها للعميل 

نتوكل على الله و نشوف اهم جزء عاوز ابدا بية علشان دا موقف حصل معايا و انا مسافر روسيا شهرمايو و فى واحد مصرى رجع من المطار للاسف مع العلم ان التاشيرة سليمة

Entry refused 

 

اهم فقرتين اللى معلم عليهم بالاصفر لانهم من اهم المشاكل اللى ممكن تحصل  لموظفين شركات السياحة  و هنتكلم عن كل فقرة

Airlines may refuse to transport a passenger if the passenger lacks proper

Documentation for the country of destination.

يحق لخط الطيران ان يرفض اى مسافر انة يطلع على الطيارة لو اوراقة ناقصة _ يعنى اية الكلام  دا معناة بسيط جدا ان المسافر مسؤل مسوؤلية كاملة عن رحلتة و الخط بيتاكد ان جميع الاوراق معاة ومثال حى على كدا تيست كورونا  مثلا و يكون صالح ل 48 ساعة او 72 ساعة و لو المسافر مش معاة للاسف يحق لموظف الكاونتر فى الحالة دى انة ميسفركش على الطيارة و من غير اى غرامة على الشركة او مسؤولية

و لو حابب تقرا عن الموضوع اكتر   اقرا المقال الاتى

ازاى تستخدم IATA Travel Center علشان تعرف شروط دخول السائح لاى بلد _ الحالة الاولى -حالة عملى على ال PCR

و كان فى مثال تانى لرجالة السياحة الدينية و الكلام دا حصل من سنيتن تلاتة بالكتير و هو بخصوص باركود بوابة العمرة من غرفة السياحة للتاشرات الخاصة باداء مناسك العمرة و الناس بترجع من  المطار مع العلم ان المعتمر معاة تاشيرة و تيست كورونا و كل حاجة مش معاة باركود بوابة العمرة  يعنى اوراقة مش كاملة و بالتالى ميطلعش

مسؤلية الاوراق و انها تكون كاملة من المفروض ان  موظف الطيران عارفها و كمان موجود على موقع  IATA Travel Center   حتى المعلومات الخاصة بالجمارك و يقدر يسافر بكام دولار كاش معاة و اقصى مبلغ و كمان عدد السجاير ( هنكتب موضع قريب ان شاء الله عنها

Under normal circumstances, once a visa has been issued, then entry into the

country should be granted. However, even if the passenger has the correct

documents to enter the country, the immigration officer at the destination

airport can refuse entry.

هنا بقا حدث و لا حرج – كنت مسافر على الايروفلوت و شاب  مصرى طالع معانا و معاة تاشيرة بيزنس و عندة 21 سنة واوارقة سليمة و التاشيرة سليمة و كل حاجة و كورونا يعنى الراجل طلع على الطيارة بس للاسف و احنا فى سوتشى بنختم دخول روسيا  متختملوش و اترحل و رجع تانى

لية ؟

علشان يحق لضابط الجوازات انة يمنع دخول اى شخص من دخول البلد   مش رخامة خلى بالك  بس هو لية السلطة و بينفذ قوانين بلدة 

طيب تعالى نفكر مع بعض كدا و نفهم ان موظف تاشيرات لازم يفهم اية التاشيرة المناسبة لكل مسافر علشان يعدى من هناك بردو

الواقع : شاب 21  سنة – باسبورة اول مرة يسافر بية مش علية اى Travel history  __  و مش بيتكلم روسى مش عارف يتكلم مع ضابط الجوازات _ و مش معاة فلوس _ و لو ركز معاة هيلاقى تذكرة العودة متكنسلة _و المهنة حاصل على  بكالوريوس او طالب - و تاشيرنة  بيزنس  ؟؟؟؟؟؟؟؟؟؟؟؟؟؟؟   ازاى ؟  قولى انت ازاى ؟

ارجع علطول   لان سبب الدخول مش بيزنس  _ انت كموظف سواء تاشيرات او طيران لازم تتكلم مع اللى بيشترى منك التذكرة او اللى بتعملة الفيزا عاوزها ليه ؟ و تفهمة الخطورة لو  كان عنيد و تخلى مسؤليتك ؟ و الحقيقة الموضوع سبحان الله بيكون نصيب فى ناس بتعدى و ناس تانية و رقها سليم و بيترخم علية فى مطار الوصول !!!  بس خد بالاسباب

الملخص المفيد :

1/ انت كموظف تاشيرات  طبعا مركز جدا فى شروط اصدار اى تاشيرة من قنصلية بعينها و دا شغل كويس بس الاصح انك تفهم العميل عاوز اية و لية علشان تنصحة صح 

مثال عن تاشيرة الامارات السياحة شهر و الراجل طالع يدور على شغل . لازم تعرض علية التاشيرة ال 3  شهور مع العلم انة ممكن يجدد من هناك التاشيرة الشهر _ بس علشان انت فاهم السبب عرفت تنصحة و طبعا تكون عارف شروط السفر من المطار و زى ما قولنا الكورونا محتاج تيست و لا لا و كمان فلوس و انت طالع حوالى 1000 دولار و الخ الخ . لازم تقدر تنصح صح علشان يشيل هو المسؤلية - و مش كدا و بس لازم لو مسافر فى رمضان لازم تنصحة بعد العيد - اللى عاوز اقولة  بكل اختصار خلى الموضوع ميكنش بيع و بس _ لازم تكون ملم بالرحلة بتاعت الزبون و عارف البلد و ا مع الوقت و الخبرة بيكون تمام و متقلش 

2/ اخلى مسؤوليتك مع العميل العنيد او اللى  فاكر نفسة ابو العريف علشان فى الغالب هيعمل مشاكل و يطالبك بالتعويض سواء فى تيكت طيران او اى حاجة و مثال بالذات الامارات و ال1000 دولار و انا مش محتاج و بلا بلا _ انت بلغت و اخليت مسؤوليتك 

3 / مع العميل الريتش Rich  لازم تعمل Follow up معاة لانة ممكن يريحك فى  cross sale  معاك و مثال على كدا لما يشوفك فاهم يقدر يقرر انك اللى تعملة التامين على السفرمثلا و يثق فيك  بدل ما يعملها برا ! و كمان يطلب منك ترانسفير هناك لما يلاقيك عارف انت بتتكلم عن اية ؟ مثال فى اسطنبول و عارف هو نازل مطار صبيحة و دا فى اسطنبول الاسيوية و انت شايف انة حاجز فى فندق فى اسطنبول الاوروبية و العكس صحيح _ الزبون بيفهم خلى بالك _ و انا فى بداية السياحة الدينية شفت زباين حافظة مكة  بالمللى لانها  بتسافر كل سنة عمرة _ احترم عقلية العميل علشان يثق فيك _ احنا بنبيع خدمة مش منتج و دا  الاصعب 

4/ طور نفسك لان  التاشيرة بتكون مرتبطة بتحديثات و تغير اسعار و كمان خليك متابع المواقف الامنية للبلدان و تكلتها ووقت صدورها و تابع مع العميل كل ما يخص السفر من اول شهادة الاعفاء من الجيش  او تصريح السفر -

5/ انت شغلك بيعتمدعلى اصدار تاشيرة و الاهم من كدا الوقت و بتكون  فاهم اوى اية الاوراق المطلوبة و بتكون مستعد  لاى سؤال زى خطاب ال HR ممكن نسخة منة ؟ الترجمة _ ممكن اترجم فين السجل التجارى او البطاقة الضريبية ؟ اماكن التوثيقات و  تعرف السعركام ؟

بالتوفيق للجميع 

احمد الشيمى 

IATA Travel and Tourism Consultant