خلاصة الكلام فى شغل الترانسفير مان

 خلاصة الكلام فى شغل الترانسفير _ المميزات و العيوب

فى البداية كدا علشان تكون ترانسفير فى اى شركة سياحة لازم تفهم اية المطلوب منك و اية اللى ليك و اللى عليك علشان تعرف تعمل شغلك صح سواء فى سفر او وصول او ترانسفيرجوا البلد الى انت شغال فيها _ من فندق لفندق زى الريلوكيشن للزبون و بيكون اسمها صب ترانسفير _ و  امتى تنزل جيت مان و الخ الخ 

الشغلانة سهلة مش محتاجة مهارات عالية جدا المطلوب منك الالتزام التام بالوقت _ يعنى من الاخر الترانسفير دا عامل زى الساعة كدا _ اهم حاجة مواعيدك فى الشغل بعد كدا الباقى سهل , طيب هى لية صعبة  زى ما بنسمع من بتوع الفنادق ؟

علشان ملهاش مواعيد عمل ؟ يعنى اية ؟ يعنى ممن الاخر كدا انت شغل على مواعيد الطيران و شكرا _ ممكن تلاقى  سفر طيارة بيلاروسى ووراة وصول نفس الطيارة و الكلام الساعة بداية ن اساعة 2  بليل

تعالى نتكلم عن المميزات بتاعتها و اولها انها يتقوى اللغة اللى معاك  زى ما اتكلمنا فى موضوع 

هل اتقان اللغة اهم حاجة للتورليدر او الجايد فى الشغل؟

يعنى انت لسه مخلص جيش او لسه متخرج و مش ممارس اللغة مع ناتيف سبيكر و محتاج تقوى اللغة و الرهبة تبعد عنك  هتلاقى الشغلانة كويسة جدا معاك لانك اغلب الوقت بتتكلم و قليل لو بتتسال  لانك اساسا بتكون قايل السبيتش بتاعك صح فخلاص جو الاسئلة هيقل معاك مش زى ما تكون هوتيل جايد مثلا و هو بيبيع بيفاصلو معاة و الخ الخ 

 الترانسفير مان هو مندوب الشركة اللى كمرافق مجموعات سياحية بيعمل ترانسيفيرة وصول او سفر او داخل البلد من المطار الى الفندق او العكس 

لية بقا الشركة بتوظف واحد علشان بس يوصل الناس من المطار للفندق او من الفندق للمطار , دا لاكتر من سبب 

اولهم علشان يبلغ الزباين بميعاد المييتنج بتاع الهوتيل جايد تانى يوم _ و دا السبب الاساسى و الاهم و بناءا علية انت ناجح او فاشل فى الشغل _ و فى شركات بتعمل زى بونص لاول 3 ترانسفير نسبة حضور الميتنج بتاعتهم اعلى 

يعنى انت بتالف اى حاجة او تخوف الزبون و تتشقلب فى الاتوبيس او الكوستر علشان الناس تحضر الميتنج تانى يوم للهوتيل جايد و يسمعوة و يشترو منة _ خلى بالك انت مش مسؤل عن البيع او الشرا _ انت مسؤل عن كام واحد حضر الميتنح من الزباين اللى كانت معاك  فقط لا غير 
تخوف ازبون او ترعبة باى قصة _ ممكن تحكى انك لازم تحضر الميتنج علشان لو الطيران اتاجل او اتكنسل الهوتيل جايد يقدر يتواصل معاكم و يبلغكم بالمواعيد الجديدة 
لازم تحضرو علشان موضوع التحليل من الكورورنا و السفر و الاجراءات الجديدة للسفر

من الاخر بتشفر الزبون لغاية ما يوصل للهوتيل جايد و شكرا ليك على كدا ... بس دا كل شئ و لا فى حاجات تانية معاك 

بص من الاخر كدا اى ترانسفيرة ليها عناصر مهمة جدا لازم تقولها باى طريقة او اى ديباجة او سبيتش و طبعا فى اسطمبات لكل شركة الكل بيقول ترانسيرة موحدة سواء فى السفر او الوصول .

انت بتطلع تمسك الحديدة بتككلم عن العناصر دى كدا وش و اولها ترحب بية فى البلد و بعد كدا  تعرفة بنفسك و بالسواق لو عاوز كمان و تفهمة انت عندك كام فندق فى الترانسفيرة دى و اول ندق هتوصلة بعد اد اية و الترانسفيرة كلها كام دقيقة و بعد كدا تدخل علية فى الحاجات المهمة زى بكرا عندة مييتنج مع الهوتيل جايد 

و تتكلم معاهم بعد كدا عن اهية ام المييتنج دا ان الراجل هيشرح الرحلات و يساععدهم فى الفندق لو فى اى مشاكل و دا ممثل الشركة و الخ الخ و كبعا تتكلم ع الجو و درجة الحرارة و تعرفهم انهم لازم يشترو كريم مضاد للشمس  علشان الاصابات اللى ممكن تحصل بسبب ضربة الشمس ,  ممكن تقرا فى موضوع الاسعافات الاولية فى اللينك دا 

الاسعافات الاولية و أهميتها للتورليدر و التورجايد 

و تتكلم عن الفندق و انة فى الغرفة فى خزنة امنة ممكن تشيلو فيها حاجتهكم الثمينة و تتكلم شوية عن البلد اللى انت فيها فيها اية و السوق القديم فية اية و فين الخروجات بليل و الخ الخ و برو بعض نصايح عن المواصلات و اسعارها و التاكسى و لما تنزلو هناك قدام الفندق هيعملو اية و ال  ار سى اللى هى استمارة هيكتبو فيها الاسم باللغة الانجليزى و يكون معاهم الفوتشرات و الباسبورات مجهزينها قدام الريسيبشن علشان التسكين يكون سريع 

و انت فى اترانسفيرة لازم تعرف مين اول مرة و مين اكتر ن مرة لان دا هيفرق معاك فى الترانسفيرة لان اللى جة اكتر من مرة ممكن يقولك انا مش هحضر بكرا المييتنج و مش محتاج انت طبعا هتخوفة بسبب مواعيد الطيران و بلا بلا بلا و طبعا تبلغ الهوتيل جايد بتاع الفندق دا و تفهمة _ اللى فاهم سياحة فى الحالة دى لازم االهوتيل جايد يكون فاهم و يساعد انة يعملهم ويلكم ليتر كدا و يتبعت على الغرفة لما يسكنو _ بس الواقع ميش الكلام دا هو تانى يوم يقوم مصدرك مع الشيف ترانسفير ان الزباين مجتش_ هو بيامن نفسة من التارجت بتاعو علشان لو معرفش يتحاسب على الزباين اللى حضرت 
المهم انت وصلت اول فندق لازم تاكد عليهم فى الميكروفون محدش ينسى حاجة فى الاتوبيس لانة لو نسى حاجة انت اللى هتلف وراة و تجيبها و تتعب نفسك و طبعا تنزل معاهم وبعد كدا تدخل على الريسبشن وتظبط مع الريسيبشنت على كام غرفة معاك 

تدخل يا معلم تجيبلك 2 قهوة او شاى او ازازة مية كدا وروق على حالك و تطلع بسرعة تدى للسواق الغلبان _هو مش فرض تجيبلة بس زوق منك _ و تكمل الترانسفيرة معاهم لغاية اخر فندق
كنت اعرف واحد كان هوتيل جايد و اتنقل لشركتنا و بقى تروليدر و بينزل ترانسفير كان بيتكلم ال 45 دقيقة كلها و مش بيسيب الحديدة و شغال الله ينور و بيشرح الرحلات , هو كويس طبعا بس مش مطلوب منك تحكى فى رحلات مع الزبون فى الترانسفيرة , اكلمت خير و بركة متكلمتش بردو خير علشان لو قلت معلومة غلط او قلت سعر اتغير هتلاقى الهوتيل جايد تانى يوم ملبسك فى الحيطة و انت ليى تسعر الرحلة من شرم للقاهرة بالسعر _ دا سعر الطيران مش البرى و بلا بلا 

السياحة عبارة عن شغل ازاى  تتفادى الخوازيق اللى بتترمى عليك من زمايلك فمتساعدهمش انهم يلبسوك اى حوار 

اعمل شغلك صح و بكفاءة و ريح نفسك لان انت عندك فى اليوم على الاقل 4 ترانسفيرات او 3 و معاهم رحلة  من الاخر انت ونصيبك 

مميزاتها فيها فلوس كويسة و مرتبها محترم فى شركات بتعمل بدل على الترانسفيرة و شركات  لا 

بص لو انت لسه جديد فى المهنة هتلبس شغل كتيير من الاوبريشن و لو انت تقيل هيقلق يكلمك او يصحيك بليل او يحط عليك فى الشغل و لو انت كنت شغال زى حالاتى فى  شركات  سياخة و نزلت بردو فى المطار او الرحلات هتتعب انت و هم لانك فاهم و هتعدل علية لانة مفيش حد غلة 100% و لا انت كمان بس الحوار هيمشى زلا الديوك ناقر و نقير 

متخفش من حد احترم كل الناس بس اللى يدوس عليك علم علية فى الشغل و طلعة حمار و كمان متخفش من الرزق لانة بيد الله 

بالنسبة لعلاقة الترانسفير و التورليدر دا موضوع كبير و مهم جدا و لو مهتم بية هكتب فية موضوع بردو لان السواق يقدر ينجح الشغل بتاعك و يقدر يوقعة .. و انت كمان ممكن ترخم علية و تتعبة و ممكن تريحة .. متبقاش غبى و تتعالى على الناس بسبب حاجة او موهبة ربنا ادهالك فى لسانك  او تعليمك ..عامل الناس باحترم حتى الاقل منك و هتلاقى ربنا بيكرمك .
انا اساسا مرة كنت مسقط شغل و الى صحانى  من النوم عم خميس و ربنا سترها . اتمنى تكون فهمت ان الناس لما تحبك هتكون فرحانة فى الشغل معاك و لما تكون مش كويس معاهم هيتعبوك جادمد و افتكر دايما  ان اللى طبق الميرى  مات بية 

الريسبشن دايما بيفتكر انك عامل ملايين و فلوس بس هو عارف انك مش بتنام و الاجازات بتعتك كل شهرين تلاتة لكن شغل الفنادق بيكون احسن بكتيير فى تنظيم الاجازات و اوعى تفتكر انة مش بيكسب لا لا   ربنا بيكرمة برضة و كلها ارزاق و فى ناس متقدرش على موضوع انها متنمش و تكون شغالة صبح و ليل 

الترانسفير و شرطة السياحة دا موضوع مهم من ناحية تكون فاهم اللى ليك و اللى عليك و فى نفس الوقت لسانك كويس معاهم لان فى ورق و تصاريح سفر بتطلع و تاشيرات للقاهرة و حوار طويل لازم تكن صبور و فاهم و معاك كارنية غرفة السياحة و تكون عارف الاكرميات القاهرة بتكون كام لان بيكون فى حراسة معاك فى السفر للقاهرة بالاتوبيس و دا اسمة الكانفوى  بالروسىى ومواعيد معينة لخروج الاتوبيسات السياحية من شرم 

اعرف ان كل بلد سياحى ليها عرف يعنى من الاخر اللى بيتم فى العردقة مش زى اللى فى شرم الشيخ . لو انت جديد شوف و اتعلم و افهم قبل ما تاخد قرار مع سواق او مع اى حد فى الفندق 

الترانسفير و الاكل فى الفنادق . من الاخر كدا الموضوع دا على حسب خبرتك و بيكون فى حوالى 3 او 4 فنادق فاتحة الاكل للترانسفيرات او التورليدر انهم ياكلو فى مطعم الجيست . عيش حياتك بس اعرف  من الهوتيل جايد لما تتصاحب علية و خلى بالك ان السواق مش هيدخل الفندق ياكل معاك الوجبة  عادة بيدخل مطعم الاسطف علشان متحصلش مشكلة بعد كدا 

بالسبة للجات مان ممكن يعمل مصلحة بردو و الاغلب بتكون فى التاكسى او السيمكات _ شريحة الهاتف المصرى علشان الانترنت_ ابعد عن موضوع السيمكات دا لانة الهوتيل جايد فى بعض الجنسيات زى البيلاروسى مثلا كان  بيديهم ببلاش علشان البيع و لو عرف انك بعتها ممكن يصدرك _ بالنسبة للتاكسى عادة اللى بيحصل بيكون زبون لوحدة كدا برا شركتك عاوز تاكسى و انت واقف بتنادى على التاكسى و بتركبة و بتاخد فرق حوالى 3 او 4 دولار انت و شطارتك مع السواق 

بالسبة لموضوع تجميعات الرحلات و انت بتجمع لرحلات السفارى ممكن تبيع ليهم الشال و تكسب فية _ كنا بنجيب  حوالى الدستة من السوق القديم  الشال بيكون ب 2دولار الكبير و الغير ب 1 و بتييع بمكسب 1 او 2 دولار .بس خلى بالك متشفرش كل الكوستر اللى معاك علشان مركز السفارى هيعرف _ من الاخر كدا عيلة واحدة فى العربية و خلاص و شوف اللى بعد ة 

بالنسبة لموضوع التيبينج 

ى قاعدة هتريحك و من اساسيات السياحة ( التبس لا يطلب و لا يرفض ) و انت فى الترانسفيرة و معاك زبون محترم ادالك تيبس متقولوش يا عم دا انا السن لغات و بلا بلا و مش بتاع دا يا بية _ لا خدهم و قول شكرا و دا الشغل كدا و بالنسبة للطلب ممنوع تطلب .

لانة لو اشتكى انت كدا مع السلامة من الشغل 

كلمة تارنسفير او تورلير يعنى انت ازاى تهندل المشاكل و مش كل شوية تتصل بالمكتب _ اللى بيتصل كتيير يبقى قليل الخيرة _ المفروض تعمل فى صمت و متجيش مشاكل منك _ دى اهميتك  انك تشيل شغل من غير تليفونات كل شوية للمكتب يعنى ازاى تهندل زيون و انت بتسفرة وتلاقى الريسبشن بيجرى وراك استنى يا مستر الراجل علية فلوس؟ و انت لسه عندك فنادق تانية هتتصرف ازاى ؟ هتعمل اية ؟ و فى نفس اوقت السواق بيرخم عيك يالا هنتاخر يالا يا لا و الزباين مستعجلة .

لازم تسيطر على الناس صح . و انت داخل فى السفر من الفندق لازم تاكد على الناس بالاسامى علشان متركبش حد من شركة تانية و اراجل يلف و يكتب رسالة بتاع الشركة التانية و فى نفس الوقت متركبش الاتوبيس الا و انت واخد البريكفاست بوكس بتاعك و بتاع السواق ههههههههههه و تسلم على الريسيبشن و تقولة اكد عليا علشان متاخر و يقولك استنى  و يتصل بالهوس كيبنج علشان يتاكد من تسليم الغرفة 

لازم يكون معاك دايما قلم و رسلة الشركة فى حالة النوشو سواءرحلات او حتى سفر للمطار علشان تامن نفسك من الكواليتى و هرى المكتب لانهم فاضيين اساسا و مثال ادوش الوشة بدوشتها علشان متدوشناش دا اللى ماشى فى المجال . خليك شغال صح و امضى رسالة النو شو و اتصل بالهوتل جايد قبل ما تتحرك من الفندق و ابعت على الجروب و بعد كدا اتحرك بقلب جامد 
انا مرة صحيت نص الشركة و انا بسفر من دهب و كان الزبون سافر من دهب لمطار شرم و فى الاخر كان طالب برايفت ترانسفير على حسابة و المكتب كان مسقط الموضوع دا . اتصلت بالهوتيل جايد و السيف ترانسفير و الهوت لاين بتاع الشركة و كمان بمندوب المطار اللى بيسفر علشان بعد كدا ميصحنيش من النوم و يقولى نو شو و الطيارة انا شايلها . من الاخر صحيتهم كلهم الساعة 5 الفجر و رجعت فاضى انا و السواق بس عامل شغلى صح .

انت كتراسفيرلازم تكون مظبط مع سواق تاكسى فى البلد و رقم تليفونة معاك و حنين علشان فى طوارئ ممكن تحصل معاك و كمان  يكون معاك فكة يورو و دولار و روبل علشان هتحتاجهم قدام 

الترانسفير مظهر _ خلى بالك من الكلمة دى يعنى تكون نزيهة جدا ووجهة لنفسك قبل ما تكون للشركة 

متخفش من اى بنى ادم مهما كان حجمة فى البلد _ انت محترم و احترم الناس بس متكنش شخشيخة _ يعنى كل واحد لية احترامة و اللى يعدى كدا عاملة باسلوبة و دايما افتكر ان الرزق بيد الله سبحان و تعالى و مش بايد بشر و مفيش حاجة اسمها دا يمشيك من البلد و ميشغلكش فيها و الهرى دا _  الناس من خوف الذل فى ذل و من خوف الفقر فى فقر _ مقولة للامام على دايما خليها فى دماغك .

هو لما يكون محتاج ناس بيدلل عليهم و بيقبل اى حد و لما الشغل يقف يقولك لازم السن و اداب لغات و السن يكون صغير و الهرى دا كلو . الموضوع كلو سوق عمل :

متسيبش شركة علشان مرتبها قليل _ فكر دايما فى المميزات زى الكواليتى عادى مش بيخنق _ هتاكل فى اكتر من فندق_ الاجازات افضل _ بتطلع رحلات _ الناس كويسة فى المعاملة _مش كل حاجة المرتب لان السياحة اساسا مش قامية على الراتب 
طور من نفسك على قد ما تقدر فى مجالك _ الحمد لله انا اخدت دبلومة الاياتا كاستشارى سفر _ و من اعلى الدبلومات على مستوى العالم _ اوعى توقف تعليم طالما فى مجالك السياحة _  افتح باب رزق تانى _و اتعلم اكتر من لغة عادى و حب مجالك و اتعلمة صح و فكك من اللى بيقولك الشغل بالخبرة و بس لانة مش فاهم  و مش مدرك و جاهل لانة فى اكتر من سيناريو هو هبعطل فية  لانة بيعتمد على المواقف و فى قوانين فى الاياتا بخصوص الطيران محاسبة الطيران و حتى عمل البرامج السياحية و اجازات المتاحف على مستوى العالم و ممكن يعمل برنامج و فى الاخر يوم زيارة المتحف يكون اجازة  و ان شاء الله فى شرح عن دبلومة الاياتا كاملة 

 

اعتقد انا كتبت  من الاخر كدا بس بالنسبة للتفاصيل ان شاء الله عن قريب هعمل مواضيع بالتفصيل فى الترانسفيرات السفر او الوصول و ان شاء الله اكتب ليكم عن قريب من دبى